Musiqisi /Music : Elza İbrahimova (1938-2012)
Sözləri / Lyrics : Zivər Ağayeva
Ayrıca bax / See also : Azərbaycan melodiyaları – Y hərfi
***
Yanağımda göz yaşlarım
Düzülübdür gilə-gilə,
Gözləyirəm, sən siləsən,
Yoxluğunu bilə-bilə…
Ürəyimi eyləyib şam,
Zülmətlərdə dayanmışam,
Gözləyəcəm səhər, axşam
Yoxluğunu bilə-bilə.
Nəqərat:
Sənsiz dünyam geyib qara,
Qəlbim olub para-para,
Boylanacam bu yollara
Yoxluğunu bilə-bilə.
Solub qönçəm, solub gülüm,
Viran qalıb sevən könlüm,
Axtaracam səni, gülüm,
Yoxluğunu bilə-bilə.
Xəyallara dönəcəyəm,
Sənlə deyib-güləcəyəm,
Görüşünə gələcəyəm
Yoxluğunu bilə-bilə…
***
Flora Kərimovanın ifasında
Musiqi və Notları tap 